Plantun de Prouvènço

Pèr coumpara dos planto d'encò nostre

Vaccinium myrtillus & Tristagma uniflorum

Amaurilhoun

Vaccinium myrtillus

Ericaceae

Àutri noum : Agies, Maurilho, Aniroun, Eìse, Brimbalié.

Noms en français : Myrtille, Airelle.

Descripcioun :
L'amaurié (aiges en Alouos 04) es uno pichoto planto bouissounouso que trachis sus li relarg safranous de mountagno. Fai de pichòti flour roujo en campano que se duerbon en meme tèms que li fueio. Se destrìo de l'aire-negre qu'a de fueio dentado e pas roundo.

Usanço :
Cadun counèis lou bon goust dis amaurilhoun que podon èstre manjado de d'ùni biais (coume en tarto, ço que se fai proun dins d'ùni relarg dis Aup). Es un fru qu'a proun de qualita : èi riche en vitamino (A pèr la visioun au calabrun), en fibro, en antióussidant... Ei vertuous contro li proublèmo de memòri, la fouiro e proun enca. La tisano de fueio èi diuretico. Pèr pas aganta l'ekinococoso, vau mies faire couire li brimbello.

Port : Aubret
Taio : 15 à 50 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Vaccinium
Famiho : Ericaceae

Ordre : Ericales

Coulour de la flour : Roujo
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2600 m
Aparado : Noun

Liò : Champino - Fourèst - Tourbièro
Estànci : Coulinen à Aupen
Couroulougi : Bourealo
Ref. sc. : Vaccinium myrtillus L., 1753

Estello(-dis-Inca)

Tristagma uniflorum

Amaryllidaceae

Noms en français : Iphéion, Etoile des Incas.

Descripcioun :
L'estello-dis-Inca es uno planto fourestiero que nous vèn de l'Americo dóu miejour. A planta caviho dins quàuqui relarg de Prouvènço, pas trop liuen de la costo en generau, dins lis escoumbre e li pelouso de vilo. Es eisado de recounèisse emé si flour bluio palo qu'an de costo mai sourno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Tristagma
Famiho : Amaryllidaceae

Ordre : Aspargales

Coulour de la flour : Bluio
Petalo : 6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Champ - Pelouso de vilo
Estànci : Pancaro entresigna
Couroulougi : Pancaro entresigna
Ref. sc. : Tristagma uniflorum (Lindl.) Traub, 1963 (= Ipheion uniflorum (Lindl.) Raf., 1837 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Vaccinium myrtillus & Tristagma uniflorum

ges

Coumpara Amaurilhoun emé uno autro planto

Coumpara Estello(-dis-Inca) emé uno autro planto